អចលនទ្រព្យនៅក្នុងប្រទេសទាំងអស់នៅអាស៊ីអាគ្នេយ៍ក្រៅពីប្រទេសកម្ពុជា គឺត្រូវមានការប្តូរទៅជារូបិយប័ណ្ណក្នុងប្រទេសនីមួយៗ រីឯនៅប្រទេសកម្ពុជា គេអាចប្រើប្រាស់ប្រាក់ដុល្លារសហរដ្ឋអាមេរិច ដូច្នេះ អ្នកវិនិយោគនឹងមិនងាយទទួលរងហានិភ័យពីការប្តូររូបិយប័ណ្ណនោះទេ ហើយជំនួញជួញដូរលើអចលនទ្រព្យអាចប្រព្រឹត្តទៅបានដោយប្រើរូបិយប័ណ្ណអន្តរជាតិគឺដុល្លារសហរដ្ឋអាមេរិច។
អាយុជាមធ្យមរបស់ប្រជាជនគឺ25ឆ្នាំ គឺមានវ័យក្មេងខ្លាំងធ្វើអោយប្រទេសនេះអាចចាត់ទុកថាជាប្រទេសដែលមានសក្តានុពលតំណាងអោយអាស៊ីអាគ្នេយ៍ទាំងមូល ដោយមានអត្រារីកចម្រើនសេដ្ឋកិច្ចប្រចាំឆ្នាំប្រមាណ7%។
សន្ទុះកើនឡើងនៃចំនួនប្រជាជនគឺទើបតែកើតមានឡើង ហើយអាចនឹងបន្តកើនឡើងរយៈពេលប្រមាណ30ឆ្នាំទៀតគឺរហូតដល់ឆ្នាំ2045។ ចំនួនប្រជាជននៅក្នុងទីក្រុងនៅមានកម្រិតទាបនៅឡើយ ដូច្នេះនាពេលខាងមុខអាចនឹងមានការហូរចូលនៃប្រជាជនទៅក្នុងតំបន់ទីក្រុង។
ម្យ៉ាងទៀត ប្រទេសនេះស្ថិតនៅចន្លោះរវាងប្រទេសថៃនិងប្រទេសវៀតណាមដែលជាប្រទេសនៅក្នុងChina Plus One ដូច្នេះទំនាក់ទំនងសេដ្ឋកិច្ចកំពុងមានសន្ទុះសកម្មភាព។ អត្រាកើនឡើងនៃចំនួនប្រជាជននៅប្រទេសកម្ពុជាគឺ 1.64% (ឆ្នាំ2014) ហើយអត្រាកើនឡើងនេះនឹងមានទំនោរកើនឡើងរហូត។ ផ្ទុយទៅវិញ នៅប្រទេសជប៉ុន ចំនួនប្រជាជនមានការថយចុះជារៀងរាល់ឆ្នាំ។ ម្យ៉ាងទៀត នៅក្នុងទីក្រុងភ្នំពេញ គេអាចប្រើប្រាស់ភាសាអង់គ្លេសនៅក្នុងទំនាក់ទំនង ដូច្នេះគឺជាបរិស្ថានដែលផ្តល់ភាពងាយស្រួលដល់ការរស់នៅប្រចាំថ្ងៃផងនិងការធ្វើអាជីវកម្មផង។ ហេដ្ឋារចនាសម្ព័ន្ធផ្នែកប្រព័ន្ធឆ្លងឆ្លើយមានលក្ខណៈគ្រប់គ្រាន់ ធ្វើអោយការធ្វើទំនាក់ទំនងប្រចាំថ្ងៃអាចប្រព្រឹត្តទៅដោយមានសេរីភាព។ ប្រជាពលរដ្ឋនៃប្រទេសកម្ពុជា គឺជាពុទ្ធសាសនិក ដូច្នេះមានចិត្តគំនិតស្រដៀងនឹងជនជាតិជប៉ុនផងដែរ ហើយពួកគេគឺជាដៃគូដ៏ល្អទាំងនៅក្នុងជីវភាពរស់នៅទាំងនៅក្នុងអាជីវកម្ម។
ទិដ្ឋាការការងារគឺងាយស្រួលនឹងទទួលបាន ហើយមិនសូវមានច្បាប់វិន័យលើរូបិយប័ណ្ណបរទេស ដូច្នេះ គឺជាប្រទេស